PINOY SINO KA NA?

Ang mga Pinoy sa ating henerasyon ngayon ay hindi mo na makikilala sa dami ng identidad, dumagsa ang napakaraming termino at katawagan sa kanila, marahil ang mga ito ay dahil na rin kakapusan sa buhay. Ang hostess at beylarina nuon ay naging GRO na at Japayuki ngayon, may mga pang-masa rin na pokpok sa kalsada, na sa napagkasunduan halaga ay pwede ng maibsan makamundong pagnanasa ng ilan sa mga hayok sa laman. May mga macho dancer na hinihimas ang kanilang mga ari habang nagsasayaw upang bigyan lang ng kasiyahan ang mga matrona at bakla. Sumulpot na rin ang mga dance instructor (DI) mga bayarang "Crying Ladies" sa Binondo, Mga nagkalat na TeleEvangelist at mga preacher sa kalsada at bus. Mga masahista at singer na bulag sa mall, footbridge at bangketa, Ang mga "Call Boy" na kadalasan kinakapit sa mga lalaking nagbebenta ng aliw ay kinakapit na rin sa mga "Barker" ng pasahero sa FX at Jeepney. Sa pagarankada ng Globalisasyon meron na tayong mga Overseas Contract Worker (OCW) mga bagong bayani sabi ng Gobyerno, na sa hanay ng mga ito ay matatagpuan natin ang mga seaman, domestic helper, mga hosto sa Japan, caregivers, mail order bride, at maging sa hanay ng mga propesyonal. Siguro Pinoy na rin ang bansag natin sa mga ss:
"Whistle Blower" (na ginagamit naman ng kongreso at senado para sa mga ekpose at hearing laban sa administrasyon).
Mga Pulitikong lumalabas sa mga "commercial ads".
Ang telebisyon na-nagbibigay ng kaunting aliw sa paulit-ulit na tele-drama na hango sa naman sa kwentong komiks nuon ay siyang kinahihibangan ng masa mula sa pag-giling ni Marimar hanggan sa pag-langoy ni Dyesebel.
Ngayon ang pagkatao ng mga Pinoy ay lubhang bumaba mula sa pagiging timawa sa pagpila sa bigas hanggan sa pagbebenta ng mga laman-loob para mabuhay lamang sa mundong ito. Umaalsa ang masa habang patuloy na nagmamahal ang arina.
Halina kalkalin natin ang basura at magkunwaring ayos lang ang buhay at pamumuhay. Hay, Pinoy....Sino ka na ba?